河口湖、富士五湖地區交通資料
- amm693
- 2023年12月31日
- 讀畢需時 4 分鐘
河口湖、富士五湖地區交通資料
1) 有乜野方法去到河口湖及附近地區？
可以搭乘鐵道或者高速巴士入去。下面詳述，2 為鐵道，3 為高速巴士。
2) 鐵道點搭？
a. 特急列車「富士回遊」，由 JR 新宿站直達河口湖站，中途唔駛轉車
b. 搭乘特急列車或普通列車由東京市區 JR 各站到大月站，再轉乘富士急行線其他列車前往河口湖
2.1) 鐵道價錢？
基本運費只包括普通列車，而特急列車會額外收取特急費用
「富士回遊」新宿 ~ 河口湖基本運費連特急費為 4130 円
而全程普通列車就只需要基本運費 2503 円
2.1.1) 買咗 JR Pass 嘅話，搭入河口湖價錢又點計？
東京市區 ~ 大月為JR東日本路段 (路段 A)
大月 ~ 河口湖為富士急行線路段 (路段 B)
[red]只有 JR 東京廣域周遊券係包哂路段 A 同 B 嘅特急同埋普通列車[/red]
其他JR Pass唔包路段 B，到河口湖需要另補普通列車基本運費 1170 円，特急列車基本運費連特急費為 1770 円
2.2) 「富士回遊」特急列車點預約？
列車為全車指定席，冇劃位只可以上去企，冇自由席
因為係直達列車所以好熱門好快預約滿座，建議盡早預約指定席
無論有冇 JR Pass，都可以到 JR 東日本官方售票網站 Ekinet 預約
開售日期為列車開出日一個月前嘅同日，預約完成後去指定席售票機或者櫃檯兌換
如果落地後重有空位，當然可以直接去指定席售票機或者櫃檯買
[orange]請注意：網路旅行社如Klook沒有任何内部/特別途徑取得「富士回遊」車票
經旅行社訂票沒有優勢，亦不保證成功訂票[/orange]
2.2.1) 我買嗰款 JR Pass 唔包富士急行線，咁點預約「富士回遊」？
你可以預約「富士回遊」列車路段 A 嘅指定席，之後繼續坐到去河口湖
路段 B 可以係車掌查票嘅時候補番基本運費連特急費，係合法嘅
如果見唔到車掌，到站既時候就同閘口職員補票
2.2.2) 「富士回遊」特急列車滿座，點算？
「富士回遊」會係路段 A 同另一架特急列車あずさ或者かいじ連結，一齊由新宿開到去大月，之後先會解開連結各行各路
所以你可以劃嗰架連結列車既指定席坐到去大月，再落車行上去「富士回遊」，由大月企入河口湖
呢架列車嘅規矩係冇座位嘅人都要俾特急費購買座席未指定券，如果有空位就可以坐，冇空位就要企，補票方法請睇2.2.1
如果係有 JR 東京廣域周遊券，張Pass已經包括座席未指定券，出示俾車掌或者閘口職員睇就得
2.2.3) 除左搭「富士回遊」，重可以點樣搭去河口湖？
可以先搭乘搭任何 JR 特急列車或者普通列車去大月，然後轉乘富士急行線嘅特急列車或者普通列車
富士急行線嘅特急車程大約 45 分鐘，普通只係慢 5 - 10 分鐘左右
所以唔一定要搭特急，重可以慳返額外嘅特急費 600 円
如果唔想喺大月等轉車等太耐，請先行去乘換案內查詢班次
2.3) JR 東京廣域周遊券係咩？邊度買好？
可連續 3 日使用，詳情睇官網：
首選：經官網購買
雖然貴少少，但兌換方式比較多，毋須係車站櫃檯排隊
先到 Ekinet 登記成為會員，再按照指示買 Pass 及預約指定席
但部份信用卡會付款失敗，如果手頭上所有卡都唔得就唯有放棄
購票後就可以預約指定席，留意有上限：
兌換方式有2種：
a. 指定兌換點櫃檯，留意營業時間：
b. 到有護照掃描器嘅指定席售票機兌換，同時領取預約咗既指定席車票，全程毋須排隊開口方便快捷
取 Pass 後仍可以去指定席售票機或者車站售票處預約車票
經 Klook 購買
購買 Pass 後，可以到 Ekinet 登記成為會員，選擇自己已經購買既 Pass，再免費預約指定席
只可以去上野站 JR 東日本旅行服務中心嘅 WAmazing 自動售票機領取，最早只可以係 Pass 生效前 1 日領取，以及必須要去車站售票處（みどりの窓口）排隊劃位，唔用得自動售票機
其他地方購買
購買 Pass 後，可以到 Ekinet 登記成為會員，選擇自己已經購買既 Pass，再免費預約指定席
兌換請到指定兌換點櫃檯兌換，留意營業時間：
取 Pass 後亦可以去指定席售票機或者車站售票處預約車票
2.3.1) JR 東京廣域周遊券抵唔抵買？
自己用乘換案內計算車費比較，簡單而言剩係來回河口湖就未回到本，搵多一兩日去其他遠嘅地方先可以回本
3) 高速巴士點搭？
詳情參閱以下網頁，撳「時刻表」可以睇到時間表同路線圖
3.1) 巴士價錢同所需時間？
最多班次既富士五湖～新宿線由新宿去河口湖單程 車費 2200 円，車程 1 小時 45 分鐘
第二多班次既東京駅～河口湖線由東京去河口湖單程 車費 2000 円，車程 2 小時
最少係羽田空港・品川駅 ⇔ 河口湖駅・富士山駅 車費 2310/1830 円，車程 3 小時
3.1) 巴士可以點買飛？
a. 上網預約，唔同路線既預約網站都唔同
東京出發就係呢個網：
新宿出發就係呢個網：
b. 打電話用日文訂，再去車站取票
c. Walk-in，但要有心理準備未必有即時車飛，隨時要等幾個鐘後嘅班次
3.2) 高速巴士有乜好處，點解唔搭鐵道？
車程同鐵道差唔多，但來回車費平過1張單程「富士回遊」
巴士班次極多，以富士五湖～新宿線為例，早上時段最密10分鐘一班，有時重會有加班車
最早既班次8點半就到河口湖，可以好早開始行程
部分班次途經下吉田，忍野八海同埋山中湖，搭鐵道重要轉多1程巴士
3.3) 高速巴士有乜壞處？
下午至夜晚回程返市區會有較大塞車風險
