3 如何使用えきねっと劃位後出票
正如前文所述，各位喺えきねっと劃完位之後仲需要做一啲準備功夫先至可以去到日本出飛。
3.1 需要準備嘅嘢有以下呢三樣:
えきねっと登記咗嘅信用卡
預約紀錄(入面要註明每一張車飛嘅預約號碼)
火車Pass(除非你諗住散買車飛)
3.1.1 點樣搵返邊張係自己登記咗嘅信用卡?
登入後，按上方"会員メニュー"(上方黑框)，然後按"登録情報の確認・変更/退会"(下方紅框)
按"クレジットカード情報"(紅框)
喺呢度，你可以確認你登記咗嘅信用卡號碼，又或者喺下面輸入返新嘅信用卡號碼作登記
由於えきねっと個運作原理係透過你張信用卡嘅卡號碼連返上去佢個訂位系統(MARS)度拎返你嘅訂位資訊，所以如果你唔記得帶返你登記咗嘅嗰張信用卡嘅話就會好麻煩。
反面例子: 小弟試過唔記得帶張登記咗嗰張信用卡，結果喺綠色窗口搞咗成個鐘先出到飛。
3.1.2 預約紀錄(入面要註明每一張車飛嘅預約號碼)
首先去返預約車飛嘅主頁，揀返"予約内容の確認・変更・払戻"(紅框)
如果想睇返自己訂咗啲咩車飛，揀返合適嘅月份或者顯示全部，之後請㩒"すべて確認する"(左方圓框) 如果想睇返自己嘅事前受付(即係一個月前加一星期)嘅車飛，請㩒"確認する"(右方方框)
左邊第一行會顯示你每張車飛嘅預約號碼(左方方框) 如果預約車飛太多而導致一頁顯示唔曬，請㩒"次へ"(右方圓框)
檢查完之後就可以將所有紀錄印出來，記得將預約紀錄放喺隨身行李
3.1.3 火車Pass
呢樣非常簡單，記得帶埋你嘅pass交換證去綠色窗口交換返做Pass正本
或者如果你已經有Pass正本嘅話直接出示畀工作人員睇就可以，工作人員視乎情況可能會喺你張Pass上面吸印同埋標記使用日期
3.2出飛
3.2.1 去綠色窗口/旅行中心出飛
去到日本，只要喺えきねっと取票範圍入面，所有站嘅綠色窗口/旅行中心都可以出飛
雖然えきねっと係JR東日本嘅訂位系統，但係喺部分JR西日本同JR北海道嘅站一樣可以出到飛。
跟住落嚟小弟就會介紹一下呢兩間JR公司可以出到飛嘅站:
JR西日本: 福井、蘆原溫泉、加賀溫泉、小松、和倉溫泉及北陸新幹線沿線各站
JR北海道: 所有有綠色窗口或旅行中心嘅站
下面條link入面列出曬所有有綠色窗口嘅站
※請注意，喺部分JR西日本同JR北海道嘅站透過えきねっと係出唔到JR東海同部分私鐵嘅車飛
詳情請參考下面網址
3.2.2 利用指定席發卷機出飛
由於部指定席發卷機係設計畀日本信用卡使用，而日本嘅信用卡卡背係有4個位嘅pin驗證碼，換言之大部分香港嘅信用卡都用唔到，因為香港嘅信用卡卡背嘅pin驗證碼都係三個位。大家都係乖乖哋去返綠色窗口/旅行中心排隊算數，同埋預留充足時間出飛。
如果仲有唔明嘅地方 歡迎pm小弟